მომსახურების ფილოსოფია
დახვეწილი გადაადგილება, მკაფიო პროფესიონალიზმით
პუნქტუალური, მოწესრიგებული, პასუხისმგებლიანი, სტუმართმოყვარე.
17 წლიდან ვმართავ ავტომობილს და ამ სფეროში მრავალწლიანი პრაქტიკული გამოცდილება მაქვს. საელჩოში მუშაობის დაწყებამდე აქტიურად ვმუშაობდი ევროპის მიმართულებით — ძირითადად გერმანიიდან საქართველოში ავტომობილების ჩამოყვანით, რაც დაკავშირებული იყო როგორც ხანგრძლივ გზებზე უსაფრთხო მართვასთან, ასევე სხვადასხვა ევროპულ ქვეყანაში გადაადგილებასთან და შესაბამისი პროცესების ორგანიზებასთან.
შემდგომში რამდენიმე წლის განმავლობაში ვმუშაობდი საელჩოში მძღოლად, სადაც მქონდა მაღალი პასუხისმგებლობის მქონე ადამიანების, მათ შორის დელეგაციების, ოფიციალური სტუმრებისა და თანამშრომლების უსაფრთხოდ და კომფორტულად გადაადგილების გამოცდილება. ამ პერიოდში კიდევ უფრო გავიღრმავე პროფესიული მართვის უნარები, პასუხისმგებლობის გრძნობა და მომსახურების მაღალი სტანდარტი.
დღეს ჩემი მრავალწლიანი გამოცდილება მაძლევს საშუალებას, მგზავრებს შევთავაზო უსაფრთხო, კომფორტული და პროფესიონალური მომსახურება როგორც ქალაქში, ისე საქართველოს სხვადასხვა რეგიონსა და საერთაშორისო მიმართულებებზე.